Gweithgareddau Awyr Agored
Defnyddiwch y ddewislen i ddarganfod yr ystod eang o weithgareddau sydd ar gael yn y Parc cenedlaethol. Cewch fod mor anturus ag y dymunwch gydag arweinwyr arbenigol ar gael i helpu os ydych yn llai hyderus neu am ddysgu sgiliau newydd. Mae lleoedd am hurio neu brynu offer os dymunwch roi tro ar rywbeth, ac mae canolfannau yn Llangors a Taf Bargoed yn cynnig dringo dan do a gweithgareddau eraill.
Tywysiadau
Neu cewch ymuno ag un o’r Tywysiadau a drefnir gan Awdurdod y Parc Cenedlaethol. Cofiwch gadw’n ddiogel – mae’r gwasanaethau achub yn ardderchog ond mae’n well ganddynt beidio â chael eu galw allan!
Mae Cymdeithas Parc Bannau Brycheiniog hefyd yn rhedeg rhaglen o dywysiadau
Am ragor o wybodaeth ar lawer o bethau i’w gwneud, mynnwch eich copi o Lawlyfr Ymwelwyr Parc Cenedlaethol Bannau Brycheiniog. Mae’r llyfryn llawn lliw hwn, sydd â 72 o dudalennau’n cynnig talpau anferth o wybodaeth ar bopeth o gerdded i dreftadaeth y byd, ond mae ganddo hefyd fanylion llawn o rhai o’r llety gorau yn yr ardal.
Cewch gael eich copi chi trwy e-bostio eich enw a chyfeiriad atom ni, neu o Ganolfannau Croeso ledled Ctymru a Lloegr. Mae ar gael yn helaeth drwy’r Parc.
Hunan-Dywysiadau
Mae Cymdeithas Parc y Bannau Brycheiniog wedi datblygu detholiad o chwech hunan-dywysiad y cewch eu hargraffu yn rhad ac am ddim o’u gwefan.
Mae Awdurdod y Parc Cenedlaethol wrthi’n datblygu cyfres o gardiau hunan-dewisiadau, ac mae pedwar ohonynt eisoes ar silffoedd y Canolfannau Gwybodaeth lleol. Am £1 yr un, ac maent yn ddelfrydol fel cofroddion. Dyma’r cardiau cerdded sydd ar gael: Pen-y-Fal o’r Fenni, Glanfa Llanffwyst o’r Fenni, Pen-y-Fan a Chribyn o Gwm Gwdi a Chylch y Bannau.
Hefyd mae llyfryn Teithiau Cerdded Bywyd Gwyllt lefel isel a ddyluniwyd i deuluoedd eu mwynhau o gwmpas rhai o emau mwyaf cudd y Parc Cenedlaethol. Mae’r holl Ganolfannau Ymwelwyr y Parc Cenedlaethol a Chanolfannau Gwybodaeth Ymwelwyr lleol yn cadw detholiad da o gyhoeddiadau cerdded ichi ddewis o’u plith.
Mynediad Cefn Gwlad yng Nghymru
Mae gwefan Cyngor Cefn Gwlad Cymru ' yn rhoi arweiniad i diroedd a llwybrau sydd fel arfer ar gael ar gyfer mynediad i gerddwyr yng Nghymru.
Cewch arloesi hefyd Map rhyngweithiol Cymru’r Cyngor Cefn Gwlad.
